ජිවත් වෙන්න කැම | කන්න ජීවත් විම

අද ලියන්නේ කෑම ගැන. කෑමෙත් වර්ග දෙකක් තියනවානේ ඉල්ලං කෑම සහ බෙදාගෙන කෑම කියලා. මේ කියන්න යන්නේ බෙදාගෙන කැම හෙවත් සිරාම කෑම ගැන.

මුලින්ම බතෙන් පටන් ගත්තොත්...

සුදු සම්බා බත්

කට දන පොල් සම්බෝල

හාල්මැස්සෝ බැදලා (නිකංම නිකං හාල්මැස්සෝ විතරයි)

සුදු සම්බා බත්

කට්ට සම්බෝල

පරිප්පු තෙල්දාලා

ආයේ දෙකක් නෑ පුතේ අඹරන්න පුළුවන් වෙල්ලමුල්ලි වයික්කාල් වෙන්ම.

සුදු බත්

තක්කාලි සම්බෝල (ටිකක් සැරට තියෙන්ඩ ඕනි)

පපඩම්

කට්ටිය කාලා තියනවාද දන්නේ නෑ පපඩම් + තක්කාලි සම්බෝල වල ළූණු. අඩේ කියලා වැඩක් නැ. අමුතුම රසක් ඕයි තියෙන්නේ. බයිට් එකටත් අවුලක් නෑ. මට නම් කිසි ගේමක් නැතිව පපඩම් පැකට් එකකට උනත් වගකියන්ඩ පුළුවන් ළූණු එක්ක.

කිරිබත්

කට්ට සම්බෝල + මාලු ඇඹුල්තියන් හරි මාලු කෑල්ලක් බැදලා හරි

ඉගුරු දාලා වැඩි සීනි ප්ලේන්ටි

මොනවත් නෑ. ඇස් දෙක පියාගෙන අඹරන්න පුළුවන්.

අනික් එක පාන් මෙනුව

පාන් + කට දැවිල්ල පොල්සම්බෝල

සීනි අඩුවෙන් දාපු බ්ලාක් කොෆී

පාන් කර කරලා (ටෝස්ටර් එකෙන් ටෝස්ට් කරලා නෙවෙයි. කුකර් එකේ සෝස්පෑන් එකක් තියලා හොදට රත් කරලා ඒක උඩට පාන් පෙති දාලා කර කරලා) මාමයිට් ගාලා ගම්මිරිස් කුඩු ටිකක් ඉහලා.

සීනි නැතිව කිරි කෝපි

පාන් ටෝස්ට් කරලා (මාලු/සැමන් + අමුමිරිස් පොඩි පොඩි කැලි වලට කපලා + රතු ළූණු සුට්ටි සුට්ටි කෑලි වලට කපලා + ගම්මිරිස් පොඩ්ඩක් දාලා මික්ස්චර් එක හදන්න ඕනි)

කාලා ඉවර වෙලා මාමයිට් එකක් බොන්ඩ ඕනි. දෙහි පොඩ්ඩක් වැඩිපුර දාලා‍

කොමන් මෙනු

ඉදිආප්පයි, පොල්සම්බෝලයි(සැරට තියෙන්ඩ ඕනි), චිකන් හොදියි. කන්ඩ කලින් පොඩි රසම් එකක් තිබුනොත් පට්ට පට පට. කාලා ඉවර වෙලා ස්ට්‍රෝන්ග් ටී එකක්. මල් මසුරන් ඕයි.

පොල් රොටි කන්ඩ ඕනි කට්ට සම්බෝල හරි, මාමයිට් හරි, චිකන් හොදි එක්ක. කාලා ඉවර වෙලා ඉගුරු දාලා වැඩි සීනිි ප්ලේන්ටියක්. කාලා ඉවර වෙලා පොඩි බුලත් විටකුත් කෑවාම... ෂා... සෝ....ක් ඕයි.

බිත්තර රොටි 3ක් කපලා චිකන් හොදි දාලා කන්ඩ ඕනි. කෝක් එකක් එක්ක හරි පෙප්සියක් එක්ක හරි. කික් කෝලා එකත් ලෙසටම කැපෙනවා. කාලා ඉවර වෙලා ඩන්හිල් ස්විච් එකක්

තෝසේ දෙකක්, මිරිස් හොදි එක්ක කන්ඩ ඕනි. අල බොන්ඩා එකක් හරි උළුදු වඩේ එකක් හරි එක්ක. මම නම් සාම්බාර් වලට ආස නෑ. කෝක් එකක් හරි පෙප්සි එකක් හරි කික් කොලා එකක් හරි මික්ස් උනොත් නම් ඩබල් ආතල්.

ඊට පස්සේ කඩල හරි මුං ඇට හරි පොලුයි කට්ට සම්බෝලයි එකක් කාලා ප්ලේන්ටියක් හරි මැගී සුප් කැටයක් හරි ගහලා බුලත් විටක් කන්ඩ ඕනි.

බඩජාරි කමට සෙට්වෙන මෙනු

චොක්ලට් අයිස් ක්‍රීම් + කොකා කෝලා.

ටේස්ට් කඩල (අර රෑට කඩල විකුණන කරත්ත වල විකුණන ඒවා) එක්ක කූල්ම කූල් සෝඩා එකක්.

බටර් කේක් එක්ක රිට්ස්බරි පෙබල්ස්. රෝලෝ එකත් එක්කත් මරු

බටර් කේක් එක්ක චොකෝ නට්

හැපි කව් චීස් එක්ක පෝටෙලෝ..

තව KFC එකේ තියනවා පට්ට බෙවරේජ් එකක්. බ්ලැක් මොජිටෝ. පට්ට පට පට.

ඇන්කර් කිරි පිටි හැන්දයි සිනි හැන්දයි. තව මයිලෝ හැන්දකුයි ඇන්කර් හැන්දකුයිත් මරු. හැබැයි සීනි නැතිව කන්ඩ ඕනි.

අඹ චටිනි හරි අඹරැල්ලා චටිනි හරි කාලා කූල්ම කූල් වතුර එකක්.

ටික් ටැක් එක්ක කූල් වතුර

තව ජම්බෝ පීනට් එක්ක හැපී කව් චීස්. මගේ බට්ටිච්චිත් මේ මික්ස්චර් එකට පට්ට ආසයි.

ඒ වගේම මම තාමත් ගෙදරදී ගොඩක්ම කන්න ආස අම්මි අතින් හදන පොල්සම්බෝලෙටයි සුදු සම්බා බත් වලටයි. හිතේ සන්තෝසෙන් කන්ඩ පුළුවන් පැලෙන්න. කොච්චර රස කෑම වර්ග කෑවත් අම්මිගේ ඒ මෙනු එක නම් පට්ටම පට්ට. ඊට පස්සේ බට්ටිච්චි හදනවා පට්ටම පට්ට බටර් කේක් එකක්. සුපිරි හොදි නැතිව උනත් කන්ඩ පුලුවන් (ඔන්න ඉල්ලන් කෑම)  තව ගෙදර වැඩ කරන ලක්ෂ්මියම්මා හදන තෝසේ එකත් පට්ටම පට්ට.