පුලුවන් නං තෝරන්න. (තේරවිලි ටිකක්)

ජෙමා ගියා ඊයේ රෑ මල ගෙදරක. යාලුවෙක්ගේ. ඉතිං ජෙමත් යාලුවෝ සෙට් එකත් එක්ක පොඩ්ඩක් තොලකට තෙමාගෙන තොරණ ගහන්න සෙට් උනා. ඔන්න ඔතෙන්නට ටික වෙලාවකින් ආවා ලොක්කෙක් ඥස්පුක් වෙන්න ගසලා. පොර විකාර කියෝ කියෝ ඉදලා කිවා හොද තේවිලි ටිකක්. පුලුවන් නං තෝරන්න.

ඔන්න බඩු ඈ....

1.   ඔන්න මනුස්සයෙක් ඉන්නවා. පොර කරන්නේ දෙහි බිස්නස්. මෑන්ස් යනවා දෙහි කඩන්න. පොර කඩා ගන්නවා දෙහි ගෝනි දෙකක් (02). ගෝනියක ගෙඩි 100. ඔය දෙහි ගෝනි දෙක විකුනන්න යන්න ඕනි ගගකින් එහා පැත්තේ තියන පොලට ගගේ පලල කිලෝ මීටර් 1 යි. ඔරුවෙන් ගෝනි ගෙනියනකොට ගාස්තුව මීටර් 100 සදහා එක් ගෝනියකට ගාස්තුව එක ගෙඩියයි. (ගෝනි දෙක නිසා ගෝනියකට එක ගානේ ගෙඩි දෙකයි).

එතකොට වෙලෙන්දාට පොලට ගෙනියන්න වෙන ගෙඩි ගාන කියද?

2.   ඔන්න දවසක් බස් එකේ කොල්ලෙක්ට සෙට් වෙනවා කෙල්ලෙක්. කොහොම හරි කෙල්ල බහින හෝල්ට් එක ලං වෙලා කෙල්ල බහින්න ඉස්සරාට යනවා. කොල්ලට එඩ්‍රස් එකවත්ඉල්ල ගන්න වෙලාවක් නැ. කෙල්ල කොල්ලට කියලා යනවා ගස් 5 යි වැල් 01 යි කියලා. කොල්ලා ඊ ලග දවසේ කෙල්ලව හම්බ වෙන්න යනවා ගෙදරට. මොකක්ද කෙල්ලගේ එඩ්‍රස් එක?

3.         ගහනකොට සැපයි. නොගහ ඉන්නකොට අමාරුයි. 

4.         ඔන්න හා හා පුරා කියලා අලුත බැදපු කොල්ලෙක්ට ගෙදර උන්දෑ පොඩි බඩු ලිස්ට් එකක් දෙනවා ගෙදර එනකොට අරං එන්න කියලා.

යමින් එමින් කිලෝ 1 යි

රත්තරං ග්‍රෑම් 500

නොකර කතා ග්‍රෑම් 500

දියෙන් ගොඩින් ග්‍රෑම් 250 යි

කොල්ලා ගෙදර යනකොට ගෙනියන වර්ග 4 මොනවද.?

 

5.        හරකා පොල් පැලේ කන්නත්, කෙල්ලෙක් කොල්ලෙකුගෙ පස්සෙන් එන්නත්, බල්ලා කකුල හපන්නත්,  වක්කඩෙන් වතුර ගලන්නත් හේතුව මොකක්ද?

 

6.         අතගාල කෙලිං කරලා කෙල ගාලා ඇතුල් කරනවා...

ඔන්න තියනවා 6ක්. දන්නවා නං උ‍ත්තරේ කමෙන්ට් කරන්නකෝ තේරවිලි/ප්‍රශ්ණ අංකෙත් එක්ක.

***************************************
ඔන්න උත්තර ඈ.....
1. ගෙඩි 180
2. සේපාලිකා වීරකෝන්, මිල්ලතේ, කිරිදිවැල
3. ඇසිපිය ගැසිම
4.

යමින් එමින් කිලෝ 1 යි (ගෝවා කිලෝ 1 යි)

රත්තරං ග්‍රෑම් 500 (කැරට් ග්‍රෑම් 500)

නොකර කතා ග්‍රෑම් 500 (නෝකෝල් ග්‍රෑම් 500)

දියෙන් ගොඩින් ග්‍රෑම් 250 යි (මාලුමිරිස් ග්‍රෑම් 250)

5. බැදලා නැති නිසා.

6. ඉදිකටුවට නූල දැමීම.

***************************************