ජිංක චිකා ජිංක චිකා.... මම දින්නා...

ඔව් යාළුවනේ මම දින්නා.. මම හිතුව විදියටම මැණිකේ නෑ නෑ බට්ටිච්චි මගේ උනා. හැබැයි බට්ටිච්චි එක සැරේම මට දිනුම දුන්නේ නෑ. බට්ටිච්චි හොද ගනං කාරියක් වෙලා. හිටියට වඩා ටිකක් නපුරුත් වෙලා.

බට්ටිච්චිගේ උපන් දිනේ 2015/07/20 නේ. ඉතිං මම උදේ පාන්දර 12 පහුවෙලා ටික වෙලාවකින් ගත්තා ස්කයිප් කෝල් එකක්. අරගෙන ටික වෙලාවක් කතා කර කර ඉදලා. එක සැරේම කිවා

මැණිකේ මම ඔයාට ආදරෙයි කියලා...

කෙල්ල ටික වෙලාවක් මගේ දිහා පුදුම වෙලා වගේ බලං ඉදලා.....

** ඔයා හිතුවද මම රූකඩයක් කියලා. ඔයා මාව එපා කියලා කොච්චර කාලයක් වෙනවද? දැන් මොකටද මාව ඕනි.. බ්ලා බ්ලා බ්ලා...

අම්මට සිරි. මාව නිකං කරකවලා අතෑරියා වගේ. කියන්න දේවල් තිබුණත් කටින් වචන පිටඋනේ නෑ. කල එකමදේ තමයි ලැප් එකයි, ෆෝන් එකයි ඕෆ් කරලා දාලා ඇද බදාගන්න එක. ඇත්තම කීවොත් කාලෙකට පස්සේ මගේ ඇස් දෙකට කදුලක් ආවා. නිදිමතක් කියලා නාමයක් තිබුණේ නෑ. කොහොම හරී උදේ උනා. ලෑස්තිවෙලා ඔෆිස් එකටත් ගියා.

9ට විතර ඔෆිස් එකේ කොල්ලෙක් එනවා ඔෆිස් සීඩීඑම්ඒ එකත් අරං...

සර්ට ගෙදරිං කෝල් එකක්...

කෙලියා නේද මහරජ, ෆෝන් එක තාම ඕෆ් නේ.. බැලින්නම් ගෙදරින්...

මොනවද දරුවෝ ෆෝන් ඕෆ් කරන් කරන්නේ. දැංම ඕන් කරනවා. අපි මෙහේ ගිණි පත්තු වෙලා.

අම්මා ගහයි.. නිකං චීන පටස් කන ලග පුපුරනවා වගේ.

කෑ ගහන්නේ නැතිව මොකක්ද කේස් එක කියලා කියන්නකෝ අම්මි...

කෑ ගහන්න නෙමෙයි. ෆෝන් එක ඕන් කරලා බලනවා...

කියලා අම්මි ෆෝන් එක තිබ්බේ කනට ගහන්න වගේ. ෆෝන් එක ඕන් කරලා බලනකොට ඇලට් එනවා හුරේ ගාගෙන. අම්මිගෙං 7යි, මැණිකෙගෙන් 36 යි.. ෆෝන් එක ඕන් කරලා විනාඩි 5ක් ගියේ නෑ. ඔන්න එනවා මැණිකෙගෙන් කෝල් එකක්.

මොනවද මෝඩයෝ ෆෝන් එක ඕෆ් කරන් කරන්නේ. මම කොච්චරක් නං බය උනාද..? ඇයි මෙහෙම මට ගින්දර දෙන්නේ.?

යකෝ හෙලෝ කියන්න වත් හම්බුන්නෑ. මේකි නිකං එක්සප්‍රස් ට්‍රේන් එකක් වගේ කියවං යනවා.

හෝව්...! හෝව්..!! හෝව්...!! මම ඔයාට ගින්දර දුන්නාද..

නැත්තන් මෝඩයෝ.. මම කොයි තරං නං බය උනාද ඔයාගේ ෆෝන් එක වැඩ නොකරන කොට, මම ඔයාගේ අම්මිටත් ගත්තා..

ඔන්න එතකොට තමයි අම්මි මට උදේ දෙහි කපන්න හේතුව තේරුං ගියේ.

ඉතිං ඇයි ඔයා බය වෙන්නේ.. මම ඔයාගේ කවුද?

ඔයා මගේ කවුද කියලා මගෙන්ද අහන්නේ මෝඩයෝ.. ඔයා මගේ පන **. මම දැනගෙන හිටියා ඔයා කවදාකම හරි මගේ වෙනවා කියලා..

(හම්මට සිරි ආව සන්තෝසෙට ජෙමාට ඔෆිස් එකේ විසිල් එකක් ගැහුණා කියන්ඩකෝ.) කියලා මේං මේකි අඩනවා හෝගාලා. අඩ අඩ බට්ටිච්චිම කියනවා මේ අඩන්නේ දුකට නෙමෙයි පැංචෝ දරා ගන්න බැරි සතුටට.

ඒත් මට ඉතිරි වෙලා තිබුණා ප්‍රශ්ණයක්. ඇයි බට්ටච්චි මම උපන්දිනේ දවසේ විශ් කරලා ආදරෙයි කිවම මට බැන්නේ කියලා. ඒක ඇහුවාම එයාගේ උත්තරේ උනේ...

මොඩයෝ බර්ත්ඩේ Gift බර්ත්ඩේ එකට කලිං දුන්නාම ගතියක් නෑ. මාව සර්ප්‍රයිස් කරන්න හිටපු ඔයාම අන්තිමට මම සර්ප්‍රයිස් කලා..එතකොට තමයි මට මීටඒ උනේ මට මෙහේ 0010 යි 07/20/2015 උනාට එයාලට එහේ ඒ වෙනකොට 07/19/2015 හවස 1500 විතර කියලා.

කොහොමින් කොහොමින් හරි අන්තිමට මම දිනුවා.. නෑ... නෑ වැරදුනා අපි දිනුවා....