උඹට දැන් සතුටුද..?

උඹ මට වඩා වැඩිමහල් උනේ මාස දෙකකට 
උඹයි මමයි හිටියෙත් ගහට පොත්ත වගේ..
ඉස්කෝලේ ගියේ
වල බැස්සේ
කෙල්ලෝ පස්සේ ගියේ 
කොල්ලෝ එකක්ක වලි දාගත්තේ
ගෙදර හොරා අඩියක් පුඩියක් ගැහුවේ
අපි එකට...
ලොකු අප්පු...



කොහොමද ලොකු අයියේ..
උඹ අපි සේරටම හොරෙන් යන්න ගියේ...

උඹ..!!
මාව...
ලොකු තාත්තා, ලොකු අම්මා...
අපේ් අම්මා...
අපේ සෙට් එකේ කොල්ලො...
උඹට පේන්නැද්ද බං අඩනවා...
උඹේ සුරංගනාවි නිමිනියා...
ඇඩෙව්වා...
අපි සේරම අඩන අතරේ උඹ ලස්සනට නිදි...!!

කමක් නෑ...
උඹට හොදයි කියලා හිතෙනවා නම්..
උඹ දෙව් මව් තුරුලේ නිදා ගනිං...
ඒත්,
ආයෙමත් නැගිටලා වරෙං ලොකු අප්පු...

උඹට බැරිද..
හරි කමක් නැ...

ලොකු අප්පු..
උඹ,
සමාදානයේ සැතපේවා....!

දෙවියන් වහන්සේ කොහොමත්,
හොද මිනිස්සුන්ව උන් වහන්සේ ලගට ගන්නවානේ..!

පොඩ්ඩක් හරි දුක වේදනවා තුනි වේවි කියලා හිතලා කාමරේට වැදිලා කෙටුවේ. මොන දේ කලත් දුක තුනී කර ගන්න නම් බැ ලොකු අයියේ. මට හිටිය එකම ලොකු අයියා.ලොකු තාත්තගේ පුතා. යන්නම යන්න ගියා. 

ඒ මදිවට මගේ බට්ටිච්චිටත් සනිප නැති වෙලා. වෛරස් උණක් හැදිලාලු. බදාදා ඉදන් කිලිනොච්චියට ට්‍රාන්සර්. ප්‍රශ්න එනකොට එන්නේ එකපිට එක. මොන මගුලක්ද මංදා..